COP 29 ərəfəsində paytaxtda aparılan irimiqyaslı abadlıq işlərində xüsusi əhəmiyyəti olan bu layihənin əsası 2019-cu ildə qoyulub.

KOBİA və “Bakı Abadlıq Xidməti”nin birgə təşəbbüsü ilə 5 ildən artıq davam edən böyük aksiya Pirşağı, Əmircan, Balaxanı, Ramana, Zirə, Maştağa və Novxanıda, o cümlədən Bakıdan kənarda yaşayan minlərlə ailəyə evlərini tərk etmədən iş görüb qazanmaq imkanı verib. Layihə bitkiçiliyi, kənd təsərrüfatı emalını inkişaf etdirməklə yanaşı həm də zəhmətkeş sakinlərə bu sahədə təcrübə qazandırıb.

Hər bir yenilik çoxdan unudulmuş köhnəlikdir, deyirlər.

Nardaranın Ləiş bağlarında 18-ci dalan ərazisində quraşdırılmış qırmızı yel dəyirmanı öz işinin öhdəsindən əla gəlir.

Eksperiment kimi təqdim olunan ekoloji təmiz layihə sınaqdan yaxşı çıxıb. İndi dəyirman normal qaydada işləyir, əldə olunan enerji quyuda quraşdırılmış kiçik mühərrikin işə düşməsinə kifayət edir. Beləcə, suvarma işinə əlavə vəsait sərf edilmir, həm elektrik enerjisinə, həm də içməli suya qənaət olunur.

BMT-nin İqlim Dəyişikliyi üzrə 29-cu konfransı ərəfəsində Bakının yaşıllaşdırma prosesində Bakı Abadlıq Xidmətinə həvalə edilmiş layihələri "Green Garden" şirkətinin peşəkar heyəti həyata keçirdi.

Hava limanından şəhərə aparan yollarda - Zığda, Bilgəh-Pirşağı şossesində, Dövlət Bayrağı Meydanında və digər ərazilərdə həm yerli, həm də xaricdən gətirilən yüzlərlə ağac, yüz minlərlə bitki əkildi, nəticədə böyük ərazilər yaşıl örtüyə büründü.

Müxtəlif mötəbər tədbirlərə ev sahibliyi edən Bakının siması gün-gündən dəyişir, gözəlləşir. İqlim Dəyişmələri üzrə Çərçivə Konvensiyasının Tərəflər Konfransının (COP29) 29-cu sessiyası ilə bağlı dünyanın müxtəlif ölkələrindən gələn qonaqlar da paytaxtın mərkəzi küçələrini parlaq, işıqlı görürlər. 

Sözügedən tədbir ərəfəsində şəhərdə işıqlandırma və yaşıllaşdırma ilə bağlı yeni layihələr həyata keçirilib. COP 29 sessiyasından sonra davam etdirilməsi nəzərdə tutullan bu layihələrə cəlb edilməsi Bakı Abadlıq Xidməti üçün qürurvericidir.

Zəfər günü Azərbaycan Respublikasının Prezidenti İlham Əliyev dünyanın ən böyük bayrağını yenidən Bakı bulvarındakı tarixi məkanda - Dövlət Bayrağı meydanında ucaltdı. 

Bayrağın ucaldığı məkanda əsaslı abadlıq işləri görülüb. Meydan tamamilə işıqlandırılıb. Əraziyə 52 işıq dirəyi basdırılıb, 102 ədəd Phillips istehsalı olan lampa yerləşdirilib. Meydanda həmçinin yaşıllıq və landşaft işləri də görülüb. 4500 kvadrat metrlik sahəyə qazon döşənib. Xüsusi dizayn olunmuş yerlərə 54 min müxtəlif kol və çiçək əkilib.

Şəhərin bayram günlərinə özəl işıqlandırılan mərkəzi küçələri 8 noyabrdan etibarən hər axşam çıraqban qalacaq.

Bakı Abadlıq Xidmətinin orijinal yanaşması paytaxt mərkəzindəki 12 küçənin simasını tamamilə dəyişib. Ərazinin abadlığına – təmizliyin gözlənilməsinə, parklarda yaşıllıqların salınmasına cavabdeh qurum kimi,  şirkətin işıqlandırmaya da yaradıcı münasibəti Bakının qədim binalarının, çiçəkli eyvanlarının gözəlliyini incə bir toxunuşla üzə çıxarıb, həm sakinlərə, həm də Bakının qonaqlarına şərqlə qərbin qovuşmasından yaranmış şəhər mədəniyyətinin maraqlı çalarlarından estetik zövq almaq imkanı yaradıb.         

Tədbirdə Laçın rayonunda Azərbaycan Respublikası Prezidentinin xüsusi nümayəndəliyi, Laçın rayonunda Bərpa, Tikinti və İdarəetmə xidmətinin və “Laçın Abadlıq Xidməti” ASC-nin əməkdaşları, şəhid ailələri, qazilər, hərbçilər rayonun hüquq-mühafizə orqanlarının rəhbərləri, sakinlər, iştirak ediblər.

“Bakı Abadlıq Xidməti”nin təşəbbüsü ilə yaranan “MascotVerse” layihəsinin yeni “Türk dünyası” kolleksiyasının saxlancında gözəl mənzərə var.

Uşaqlarımızı “Mikki Mauslar” və “Maşa i medved”lərlə deyil, öz şıq geyimli Cırtdanımız, Tıq-tıq xanımımızla böyütmək, ilk növbədə köhnə obrazları yeniləmək ideyasına xidmət edir.

Mədəniyyət Nazirliyi, Azərbaycan Respublikası Prezidentinin Laçın rayonunda Xüsusi Nümayəndəliyinin təşkilatçılığı, “Bakı Abadlıq Xidməti” MMC-nin dəstəyi ilə 26 avqust – Laçın Şəhəri Günü ikinci dəfə təntənə ilə qeyd olunub.

Şəhər günü Laçının dörd məkanında – Bayraq meydanı, "Lacinema" kinoteatrı, seyrəngah və Həkəri çayının sahilində gerçəkləşib.

Prezident İlham Əliyevin Pakistana səfəri çərçivəsində Baş nazir Məhəmməd Şahbaz Şərifə İslamabadın abadlaşdırılması planı təqdim olunub.

Məhəmməd Şahbaz Şərif: “Biz bu cür planları bəzən İstanbuldan nümunə götürürdük, indi isə Bakıdan nümunə götürürük. Heyətin rəhbəri bu fürsətdən istifadə edib İslamabadı Bakıya oxşadacaq”.

Prezident İlham Əliyev, birinci xanım Mehriban Əliyeva, qızları Arzu Əliyeva mayın 28-də Xocalıda Bakı Abadlıq Xidməti tərəfindən aparılan abadlıq və yenidənqurma işləri ilə tanış olublar, şəhərə köçən sakinlərə mənzillərin açarlarını təqdim ediblər.